Gewesenes

Rueckblick
19.6.2010	Geburtstag von Brigitte Bader
	Z Loupersdorf ir Sunne, fired Brigitt ihre Geburtstag. d'Familie u liebi Fründe hei frei gno, ä dem bsungere Tag. Ou mir vier wei das Geburifescht nid verpasse. Aes chönnt si,das Brigitt üs de süsch würd hasse. Dr Billu mit sire Aalag, ploschtet natürlech i dr Beiz vore. Vergisst üs z'säge, eine vo de Gescht heigs mit de Ohre. d'Musig isch e so lislig, das i mi säuber ghöre singe. Das chasch nid lose,i wett mir d'Ohre em liebschte säuber verbinge. Uese Mäschi isch hüt em Obe s'erscht mou derbi. Mir gloube aui, sini Füürtoufi isch erfougrich gsi. e Dame cha sech fasch nümme erhole vor lache. Do gseht me nume, d'Amarettos mache luschtigi Sache. Autor: R.Bracher
Lanz Chrigu	Herzlichen Dank Chrigu
	An dieser Stelle möchte ich mich bei Chrigu für seinen Einsatz bei den Amarettos bedanken. Mit seiner aufgestellten Art und seinen guten Witzen,war er zweifellos eine Bereicherung für unsere Truppe. Chrigu hat leider im Moment so viel um die Ohren,dass er irgendwo einfach sagen musste; jetzt ist Schluss. Leider war das halt bei uns.Chrigu, ich möchte dir auch danken, dass du dich als Notnagel zur Verfügung stellst und uns in Aarwangen wieder zur Seite stehst. Noch einmal! Danke Chrigu, für die schöne Zeit und deinen Einsatz. Los Amarettos
22.5.2010	Geburtstag von Lilliane, Rölu und Reto
	d'Lilly,dr Reto u dr Rölu fire ihres Wiegefescht. Mit füu Fründe und prominänte Gescht. d'Ariella Käslin isch ou derbi. Aber Pfärdsprung lömer hinech lo si. Aber Ross isch irgendwie glich interessant, i Form vo Wurscht üs aune bekannt. Usem Duppi sim Tornischter isch si tagelang abeghanget. Dr Bärner Sennehung vom Müry, het das nid verschtange. Chli uechestoh,drü,viermou schrisse,ä chli zieh und risse. Zwöi mou hets klepft wo dr Bäri het i d'Wurscht ine bisse. s'Aendi vo dere luschtige Gschicht chöit dir ou no erfahre. Dr Duppi isch die angeri Wuche uf Wynou i d'Rossmetzg gfahre. Autor: R.Bracher
9.5.2010	Geburtstag Fritz Iseli Bleienbach
	Das mou simer au pünktlech gsi, und au zäme hei aues derbi. Dr Saal isch alt,rustikal aber ganz schön heimelig irgend wie, si mir ou e chli fahrig und chribelig. Mir hocke dunge ir Beiz; verzöue Witze und plagiere gross. d'Frou Iseli chunnt abe vom Saal und seit: Miner Herre,es geit los. Nachem Uftritt seit dr Herr Iseli zu üs: Sit dir no parat, do hets 40 roti Rose, los verteile,schliesslech isch hüt Muettertag. Autor: R.Bracher
1.5.2010	Geburtstag Frau Strähl Aedermannsdorf
	Visavis vo dr Chile si mir gsässe, dr Chrigu het wider öppis vergässe. Aes chunnt ir letschte Zyt e chli hüffig vor, ig schlo vor, mir schrissene de jitz immer äm Ohr. Apropo Ohr, bim bam bim bam hei Chile Glogge gschlage, mir aui zäme hei jitz no e Ghörschade. Dr Urs het gmeint,Aesse, Trinke u Feschte, i dem si mir, d'Familie Strähl die beschte. Autor: R.Bracher
10. 4. 2010	Partyraum-Zell Geburtstag Eveline

	Häu erlüchtet zmiz ir Nacht Steit das Huus i sire volle Pracht. Jo, jo Zyt geit unheimlich schnäu verbi Äs Geburifescht u mir si scho wieder derbi. Am Afang heimer ä kurze Schreck übercho Äs isch kei Ton u kei Musig zum Lutsprecher use cho I ha gseh wi wichtig dr Beat für üs isch Mir hoffe das du nöchscht mou wieder bi üs bisch. Autor: R. Bracher
4. 4. 2010	Aarwangen Geburi Boss Roland Roggwil

Sone Uftritt äm Nomittag vom Oschtersunntig,isch irgendwie ufregend, und glich ä chli glungig.

Dr Roland seit zu üs, aber de nid so seich wis angeri mache.Kei Angscht, mir Amarettos bringe aui Lüüt zum lache.

Sächzg Persone u auti Bekannti heimer dörfe ungerhaute.Das het üs ganz fescht ufgschtöut u mir hei no ä Gang ueche gschaute. Nach der Arbeit kommt das Vergnügen. Gilt ou bi üs vier. Zersch ufruhme, aues verlade u de gits de no äs chauts Bier. Autor: R. Bracher

20.3. 2010

Zell alte Schmiede, Geburtstag Rita

Samschti Nomittag äm haubi drüü isch Ufstelle, nid vergässe.Äm haubi drüü bi ig dört, was gseni, dr Beat bim Bräzeli frässe.Ufgschtöut und gschaffet het är ou scho. Är het nid ufpasst, z früh ischer gsi u scho ä Schtung do. Närvös u agspannt simer de scho no chli gsi. Die berühmte Calimeros si ä däm Fescht ou derbi.Däm entsprechend simer gsecklet und hei gschwitzt und hei aues gäh.U äm Schluss vom Eberhard Roli äs Kompliment entgäge z'näh. Autor: R. Bracher

06. 03. 2010	Bützberg Mehrzweckhalle Toni
	Mir hei äm Samschti zobe aues gäh, dusse tobt ä Schneesturm.Und dinne i dr Halle, erobere d'Amarettos s Publikum. Ä chlini Panne hets ou no gäh. Dr Chrigu het vergässe Schilder mit ine z näh. Aber dr Duppi isch nid verläge,u het ä Idee wime di Schilder cha ine träge. Autor: R. Bracher
06. 02. 2010	Aarwangen Riedli Geburtstag Jutta
	Im Riedli z Aarwange unge, isch äs grosses Fescht. Mir Los Amerettos, ghöre ou zu de Gescht. Mit volle Ränze ä Uftritt mache. I gloube äs git schlimmeri Sache. Ä Chlupf heimer glich ä chlii. Dr „Märsu“ het sini Chleider nit derbi. Autor: R. Bracher
15. 01. 2010	Ettingen Rosi
	Lafere und no einisch Lafere bim härefahre.So chunnts haut, mir heinis Verfahre.Eifach nume ä Uftritt mache, das chasch vergässe. Mir hei no dörfe, äs Fondue Chinoise ässe. Üse Beat s erschte mou mit äm Lap der bi. Vor dr Zugab het är dr Compi scho abegfahre. I gloube är isch froh, das einisch isch fertig gsi. Derführ ganz souverän het är üs nächhäne heizu g'fahre. Autor: R. Bracher