Rückschau

Plakat u Flyer hei mer gmacht, üses Härz u üsi Seel het glacht. Grand Prix ums goldene Cornischon isch üses Motto gsi. Oeppe 250 Pärsone si e dem Oobe mit derbi. Erwartigsfroh si d'Lüt im Feschtzäut gsässe, dr eint oder anger het no öppis gässe.200 Prozänt u meh hei mer a däm Oobe gäh, hei derfür e huffe Aplous u komplimänt dörfe entgäge näh. Dr Hans und s'Uschi hei gfötelet wie wüud, ir Galerie chasch es gseh, Büud für Büud. Patrizia Schneider u dr Chrigu Lanz hei dürs Programm düre gfüert. Härzleche Dank dene zwöine für ihri Arbeit und ihre Isatz. Autor: R.Bracher Schliessen

E Wychäuer wie ner im Büechli steit, dört heimer am Nomittag üsi Chleider häre gleit. Während dr Show heimer keini Ouge gha für die edle Tropfe, tropfet hei nume mir, dr Schweiss isch üs abegloffe. Patrizia het ihri Füürtoufi mit Bravur bestange, muetig isch si s'erscht mou vor d'Lüt häre gschtange. d'Gescht usem In und Usland sie Stimmigsvoll u bereit,dr Oetzi singt, die ganzi Schar uf de Stühl obe steit. Mir Amarettis liebe das u gäh aues u no meh, s'Resultat cha me i üsem Gäschtebuech gseh Autor: R.Bracher

Schliessen

Das het üse Heino bestimmt no nie erläbt,das während sim Uftritt plötzlech ä BH em Gring chläbt. Dr Stefan u sini Froue hei aues im Griff. Si düe schunkle,tanze,chlatsche u ou lache. Näbezue überchunnt s'Dessär no dr letschti Schliff, söu einisch öpper dere wäg fürmache.s'beschte Publikum ä dem Oobe, das isch de gar nid gloge. E guete Uftrii heimer gmacht, Tennishalle isch fasch us de Fuege kracht. Autor: R.Bracher

dr Johrgang 1955 us Oensinge het Klassezämrkunft.Aui hei sech gfrogt,wär isch ächt aues em Träffpunkt? Neuhuus Heinz het gluegt für Aesse und Ungerhaltig u do si mir garantiert em richtige Platz u das de gwautig. Es Tischli het dr Duppi häre gschtöut, für ou öppis e chli z'ässe. Brot,Chäs u Wurscht, e aues het är dänkt, nume s'Mässer het er vergässe. Em Roli sini Schmink Chischte, het dr Wäg uf Oensige ou no gfunge für d'Zuekunft merkter, duesch öppis ufs Outodach, de wirds zmingscht aabunge. Dr. Beat für einisch ou uf dr Bühni obe, e chli Hunger u Gluscht het ne uche gschobe. Uebermüetig isch er worde.Es zwöits mou isch är defore gsi.Worum ächtet? d'Polonese isch doch gar nid zum ässe gsi. Autor: R.Bracher

Schliessen

Z Loupersdorf ir Sunne, fired Brigitt ihre Geburtstag.d'Familie u liebi Fründe hei frei gno, ä dem bsungere Tag. Ou mir vier wei das Geburifescht nid verpasse. Aes chönnt si,das Brigitt üs de süsch würd hasse. Dr Billu mit sire Aalag, ploschtet natürlech i dr Beiz vore.Vergisst üs z'säge, eine vo de Gescht heigs mit de Ohre. d'Musig isch e so lislig, das i mi säuber ghöre singe. Das chasch nid lose,i wett mir d'Ohre em liebschte säuber verbinge. Uese Mäschi isch hüt em Obe s'erscht mou derbi. Mir gloube aui, sini Füürtoufi isch erfougrich gsi. e Dame cha sech fasch nümme erhole vor lache. Do gseht me nume, d'Amarettos mache luschtigi Sache. Autor: R.Bracher

Schliessen

d'Lilly,dr Reto u dr Rölu fire ihres Wiegefescht. Mit füu Fründe und prominänte Gescht. d'Ariella Käslin isch ou derbi. Aber Pfärdsprung lömer hinech lo si. Aber Ross isch irgendwie glich interessant, i Form vo Wurscht üs aune bekannt. Usem Duppi sim Tornischter isch si tagelang abeghanget.Dr Bärner Sennehung vom Müry, het das nid verschtange. Chli uechestoh,drü,viermou schrisse,ä chli zieh und risse. Zwöi mou hets klepft wo dr Bäri het i d'Wurscht ine bisse. s'Aendi vo dere luschtige Gschicht chöit dir ou no erfahre. Dr Duppi isch die angeri Wuche uf Wynou i d'Rossmetzg gfahre. Autor: R.Bracher

Schliessen

Das mou simer au pünktlech gsi, und au zäme hei aues derbi. Dr Saal isch alt,rustikal aber ganz schön heimelig irgend wie, si mir ou e chli fahrig und chribelig. Mir hocke dunge ir Beiz; verzöue Witze und plagiere gross. d'Frou Iseli chunnt abe vom Saal und seit: Miner Herre,es geit los. Nachem Uftritt seit dr Herr Iseli zu üs: Sit dir no parat, do hets 40 roti Rose, los verteile,schliesslech isch hüt Muettertag. Autor: R.Bracher

Schliessen

Visavis vo dr Chile si mir gsässe, dr Chrigu het wider öppis vergässe. Aes chunnt ir letschte Zyt e chli hüffig vor, ig schlo vor, mir schrissene de jitz immer äm Ohr. Apropo Ohr, bim bam bim bam hei Chile Glogge gschlage, mir aui zäme hei jitz no e Ghörschade. Dr Urs het gmeint,Aesse, Trinke u Feschte, i dem si mir, d'Familie Strähl die beschte. Autor: R.Bracher

Schliessen

Häu erlüchtet zmiz ir Nacht Steit das Huus i sire volle Pracht. Jo, jo Zyt geit unheimlich schnäu verbi Äs Geburifescht u mir si scho wieder derbi. Am Afang heimer ä kurze Schreck übercho Äs isch kei Ton u kei Musig zum Lutsprecher use cho I ha gseh wi wichtig dr Beat für üs isch Mir hoffe das du nöchscht mou wieder bi üs bisch. Autor: R. Bracher

Schliessen

Sone Uftritt äm Nomittag vom Oschtersunntig,isch irgendwie ufregend, und glich ä chli glungig. Dr Roland seit zu üs, aber de nid so seich wis angeri mache.Kei Angscht, mir Amarettos bringe aui Lüüt zum lache. Sächzg Persone u auti Bekannti heimer dörfe ungerhaute.Das het üs ganz fescht ufgschtöut u mir hei no ä Gang ueche gschaute. Nach der Arbeit kommt das Vergnügen. Gilt ou bi üs vier. Zersch ufruhme, aues verlade u de gits de no äs chauts Bier. Autor: R. Bracher

Schliessen

Samschti Nomittag äm haubi drüü isch Ufstelle, nid vergässe.Äm haubi drüü bi ig dört, was gseni, dr Beat bim Bräzeli frässe.Ufgschtöut und gschaffet het är ou scho. Är het nid ufpasst, z früh ischer gsi u scho ä Schtung do. Närvös u agspannt simer de scho no chli gsi. Die berühmte Calimeros si ä däm Fescht ou derbi.Däm entsprechend simer gsecklet und hei gschwitzt und hei aues gäh.U äm Schluss vom Eberhard Roli äs Kompliment entgäge z'näh. Autor: R. Bracher

Schliessen

Mir hei äm Samschti zobe aues gäh, dusse tobt ä Schneesturm.Und dinne i dr Halle, erobere d'Amarettos s Publikum. Ä chlini Panne hets ou no gäh. Dr Chrigu het vergässe Schilder mit ine z näh. Aber dr Duppi isch nid verläge,u het ä Idee wime di Schilder cha ine träge. Autor: R. Bracher

Schliessen

Im Riedli z Aarwange unge, isch äs grosses Fescht. Mir Los Amerettos, ghöre ou zu de Gescht. Mit volle Ränze ä Uftritt mache. I gloube äs git schlimmeri Sache. Ä Chlupf heimer glich ä chlii. Dr „Märsu“ het sini Chleider nit derbi. Autor: R. Bracher

Schliessen

Lafere und no einisch Lafere bim härefahre.So chunnts haut,mir heinis Verfahre.Eifach nume ä Uftritt mache, das chasch vergässe. Mir hei no dörfe, äs Fondue Chinoise ässe. Üse Beat s erschte mou mit äm Lap der bi. Vor dr Zugab het är dr Compi scho abegfahre. I gloube är isch froh, das einisch isch fertig gsi. Derführ ganz souverän het är üs nächhäne heizu g'fahre. Autor: R. Bracher

Schliessen

Geburtstag Hans Müller 14.05.2011 Zäsu Hausi muess töif is Portemonaie länge Gäge di 120 Lüt si vor dr Tür äm ine dränge. Ir Hegi Schüür z Roggu isch äm Hans sis Fescht So wi mir Hausi kenne, är wot für aui nume s bescht Äs chlises Ständli heimer äm Hausi u sine Lüt wöue gäh Aber so wie mir si, es hettis niemer me chönne vo dere Bühni abe näh Ruth und Hausi danke vieu mou das mir hei dörfe cho Und mit Witz u Musig a chli hei dörfe Stimmig i di Schüür ine lo. Roli Bracher

Schliessen

Hochzeit Familie Grogg 30.07.2011 Z Aarwange ir Spichigwaudhütte Leits dr Bracher fasch ufe Rügge Z lang im Usgang siger gsi und z vieu Bier heiger gha Är muess sich fasch ä chli äm Gländer ha S Hochzyt mit parle francais und schyzerdütsch Isch öppis wo nid jede cha, aber üsi Patrizia cha nid nume dütsch Wäret üsem Uftritt heists plötzlich ganz resolut Halt - Stopp Dessert wird glieferet u muess ine, I d Hütte süsch gits de ä Flop. Roli Bracher

Schliessen

Geburtstag Besi Hofer 19.08.2011 Äs grosses Partyzäut näbem Huus D’ Lüt wo düre fahre Luege ganz schalus S’ Besi het Geburi und wott äs Feschtli mache Mir si ou dört, di Lüt wei jo schliesslich Lache Die ganzi Roggwiler Prominenz isch do U äm haubi zähni chöi mir ändlech los lo Dr Duppi het wieder irgend öppis gfrässe Dr Ranze rumplet u di früschi Luft chasch vergässe. Roli Bracher

Schliessen

Geburtstag Walter Niklaus 10.09.2011 Dr Nik het a gfrogt. Chömet dir ou is Usland? Dir chöit dr Tech Bus ha, für dä Trip übers Land Äm Mittag hei mir üs im Wilde Maa troffe Hei öppis gässe und no öpis gs…. Mir hei üses Material im Tour Bus inne verschtout U mache üs richtig Aargou oder Aargovia usem Stoub Äm Nik si Vater het Geburi u wird pensioniert Ir Tech heisi gseit, mou luege wie lang dä Ruhestand funktioniert. Roli Bracher

Schliessen

Geburtstag von Jeanette und Dani Niggli 17.09.2011 D Jeanette u dr Dani wei äs guets Fescht Drum ghöre ou d Amarettos zu de Gescht Üse Tour Bus wird haut scho wieder glade U das mou düe mir i Jura ueche fahre Ganz genau is Restaurant Schwengimatt Zum Glück isch äs hinech nid Chaut u Glatt Vieu Ching hets dört. Grossi Auge heisi gmacht Dr Dj Ötzi u dr Hansi Hinterseer gsesch nid jedi Nacht. Roli Bracher

Schliessen

Auftritt: 5. November Blaskapelle Oberaargau Linksmähderhalle Madiswil

Äs isch wieder einisch mou so witt. S Material i Bus i zlade; das isch dr Hit Blaskapelle Oberaargau het üs agfrogt Linksmähderhalle Madiswil isch dr Uftritts Ort. S’ ersch mou mit derbi üse nöi, dr Wanninger Är het sich gut igfügt macht mit, wie immer Dringend aber, muess är schnäu öppis Lehre Wi chame ä verruckt gwordne Hoseträger abwehre Ä chli zieh, ä chli Schrisse u no chli Spiele mit däm Ding U plötzlich isch äs passiert, dä Cheib flügt ihm zmitz a Gring. Roli Bracher

Schliessen

Auftritt Rothrist 20.11.2011 Einlegerverein Villa Dörfli Hüt heimer mit dr Musigalag äs Problem Dr Mäschi cunnt is grüble u Schwitze ganz extrem. I sim Hirni obe schaffets, gsesch äs grad. Di Zahnredli wo dört dine si, di mache fasch dr Überschlag. Dr Mixer isch es, seit är ganz troche. Dr Wännu nö tröchner: mir hei jo gar nid wöue Choche. Dr Duppi gäng wi gäng, z friede, glücklech u froh, wenn är are wunderbare Blueme cha dr Gring abschloh. Aber ungerem Strich isch aues klar: Jede vo üs isch ä chline Star. Aui si zfriede gsi, dr Pedro, z Gabi, dr Leandro u iri Gescht. Isch jo klar, Ässe u z Trinke und Aamarettos ghöre zu ämene guete Fescht. Gabi und Pedro ganz Härzleche Dank Los Amarettos Roli Bracher

Schliessen

Schützenhaus Bannwil 26.11.2011 Geburtstag Kurt Bäni Schützehuus Bannwil dört si mir hüt z’ Obe. Dr Schützestand im erschte Stock isch üsi Garderobe. Chaut heimer gha wine moore. Was Nass isch gsi, isch fasch gfrore. Dr Brachi seit, i ha nume no ganz weni. D Silvana schwigt und äm Duppi säge mir Vreneli. Patrizia het gseit, äs söt immer so chaut si. So schnäu mit äm angers Alegge sige mir no nie gsii. Si het aber nid gwüsst wieso mir so pressiert u gjufflet hei. S Dessertbuffet mit Turte, Chueche, Kaffi und Schnabs, ei verlockerei Gescht vom Kurt u dr Brigitt hei g'strahled, mi hets gseh. So öppis wi üs d Amarettos gseht me nid ä mou im Fernseh. Roli Bracher Schliessen